CELEBRAMOS UN ENTROIDO CON MÁQUINAS

ACABAMOS DE CELEBRAR A FESTA DO ENTROIDO.
 VILAVERDIÑO, COAS SÚAS PLUMAS, ESTIVO OBSERVÁNDOO TODO, MESMO OBSERVOU O SEU XUÍZO.
DESFILAMOS TODAS AS NENAS E TODOS OS NENOS CON DISFRACE DE MÁQUINAS... E AS PROFES E OS PROFES TAMÉN!
AO FINAL DA FESTA QUEIMAMOS AO NOSO GALO, TIÑAMOS QUE FACELO PORQUE... COMO IAMOS FACER SE NON UN NOVO O VINDEIRO ANO?

O ENTROIDO VAI CHEGAR

TEMOS CASE TODO PREPARADO PARA O ENTROIDO:

• O DISFRACE CON ALGO DE MÁQUINA
• O CORPO DO GALO
• E... AS PLUMAS! FIXEMOS MOITAS E O GALO XA VAI ESTANDO VESTIDIÑO

O PROXECTO DAS PLANTAS

INICIAMOS UN PROXECTO SOBRE AS PLANTAS...
SABEMOS MOITO DELAS, COA ESTRATEXIA DE "NA PRAZA DO POBO"
ELABORAMOS UNHA ENORME LISTAXE DO "QUE SABEMOS" E TAMÉN OUTRA ENORME CO "QUE QUEREMOS SABER"...
XA VEREDES QUE DE COUSAS FACEMOS CON TODA A INFORMACIÓN QUE IMOS BUSCAR!

IMOS A... TODA MÁQUINA!!!

AS MÁQUINAS ESTÁN INUNDANDO O COLEXIO E NAS NOSAS CLASES TAMÉN APARECEN.
LEMOS SOBRE UNHA MÁQUINA QUE "FAI O QUE CADAQUÉN QUEIRA"... IMAXINADES?:
- PODE FACER OS DEBERES POR NÓS
- PODE FABRICAR MOREAS DE EUROS PARA SUPERAR A CRISE
- PODE FACERNOS VIAXAR LONXE
- PODE TAPARNOS DA CHUVIA
- PODE AXUDARNOS A LEVAR AGASALLOS A TODO O MUNDO IGUALIÑO QUE SE FÓSEMOS PAPÁ NOEL´

FALAMOS DE QUE IMOS IR AO ENTROIDO CUN DISFRACE DE MÁQUINA... SERÁ UNHA MÁQUINA DE ESCRIBIR? UNHA MÁQUINA DE CONTAR? UNHA MÁQUINA DE ESPERTAR?...

O MELLOR E QUE IMOS USAR UNHA MÁQUINA COMO A DE DIANA, UNHA MÁQUINA AMABLE, QUE FUNCIONE CON CUALIDADES QUE ESTAMOS A POÑER NUN ABECEDARIO DO CORREDOR.... ESA MÁQUINA VAINOS SERVIR PARA REMITIR MENSAXES DE PAZ... NON O CREDES? POIS AGARDADE UNS DÍAS!

UN AGASALLO DE REIS ANTES DE COMEZAR AS CLASES

OS REIS AGASÁLLANVOS CON ESTES VÍDEOS EN IDIOMAS DIFERENTES PARA QUE VOS DIVERTADES UN CHISQUIÑO.


PARA VER MÁIS...

REMATA O TRIMESTRE... IMOS DE VACACIÓNS!

DESPOIS DE TANTO TRABALLO... TÓCANOS DESCANSAR!
PERO...
ANTES SABOREAREMOS UNHA CHOCOLATADA CON ROSCA...
CO QUE NON CONTABAMOS É COA VISITA ADIANTADA DE PAPÁ NOËL, QUE XA NOS DIXO QUE COMO TRABALLARAMOS ARREO, DARÍANOS UN DETALLIÑO...


FELIZ 2013! DEICA XANEIRO!

12-12-12 ÁS 12: HOMENAXE A CELSO EMILIO

ONTE, CON TODO O COLEXIO, ESTIVEMOS NO PATIO PARA CELEBRAR O CENTENARIO DO NACEMENTO DE CELSO EMILIO FERREIRO.
DURANTE UNS DÍAS ESTIVEMOS A TRABALLAR COA SÚA BIOGRAFÍA E COA SÚA OBRA, SOBRE TODO CON ALGÚN DOS SEUS POEMAS...