SEGUIMOS COAS TARXETAS E IMOS RECIBIR A INFANTIL PARA DARNOS UNHA CONFERENCIA

NESTA SEMANA VINDEIRA SEGUIMOS CO PROXECTO DAS TARXETAS


MAIS TAMÉN SEGUIMOS INVESTIGANDO SOBRE ESPAÑA E AS COMUNIDADES, SABEDES ALGO DO PAÍS VASCO? NÓS IMOS SABER MOITO, INFANTIL DE CINCO ANOS DARANOS UNHA CONFERENCIA E NÓS INVESTIGAREMOS SOBRE OUTRAS COMUNIDADES, SOBRE TODO SOBRE A NOSA.

UN PROXECTO SOBRE TARXETAS

NESTES DÍAS COMEZAMOS UN PROXECTO SOBRE TARXETAS DE NADAL.
NUN DEBATE ENTRE AS TRES CLASES VIMOS CANTO SABIAMOS SOBRE TARXETAS... ERA MOITÍSIMO!
PERO TAMÉN TIÑAMOS ALGUNHAS  DÚBIDAS, ASÍ QUE FIXEMOS UNHA LISTAXE DE COUSAS QUE QUERIAMOS APRENDER:
COMO SE FAN AS TARXETAS, COMO SABEMOS SE QUEDAN BONITAS, COMO AS PODEMOS REMITIR E COMO SE FAN OS SOBRES...
PARA APRENDER ISO PROPUXEMOS FONTES DE INFORMACIÓN:

• FAMILIA
• ORDENADOR E ELEMENTOS DIXITAIS VARIOS 
• BIBLIOTECA (LIBROS, ENCICLOPEDIAS, DICIONARIOS)
• PEDIRLLE INFORMACIÓN Á MASCOTA.

E QUEDAMOS AÍ... AGORA TEREMOS QUE INVESTIGAR E
A VER QUE SAE DE AÍ!

UNHA SAÍDA AO MUSEO

NESTE CURSO TAMÉN FIXEMOS UNHA SAÍDA AO MUSEO.
MIRADE UNHAS FOTOS DA ACTIVIDADE

DÍA DA PALABRA

O 23 DE NOVEMBRO É O DÍA DA PALABRA.
HAI PALABRAS PEQUENAS E PALABRA LONGAS.
PALABRAS GRACIOSAS E AGARIMOSAS, PALABRAS CUNHA SOA VOGAL, PALABRAS CON TODAS AS VOGAIS...
IMOS FACER SOPAS DE PALABRAS E METELAS NUNHA POTA...XA VEREDES QUE DE POTAS ELABORAMOS!


HAI TAMÉN PALABRAS FEAS...
UNHA DAS QUE MENOS NOS GUSTA É MALTRATAR.

O 25 DE NOVEMBRO CELÉBRASE O DÍA CONTRA O MALTRATO DE XÉNERO, NÓS IMOS REFLEXIONAR SOBRE QUE SIGNIFICA MALTRATAR E IMOS AXUDAR A QUE ISO NON SE PRODUZA NUNCA.
LEREMOS UN CONTO... QUEREDES SABER CAL?

A CAMPAÑA "ENSÍNANOS UN XOGO" ESTÁ REMATANDO

DURANTE A SEMANA PASADA AS FAMILIAS SEGUIRON A COLABORAR COA CAMPAÑA "ENSÍNANOS UN XOGO".
CAMPAÑA QUE XA TOCA AO SEU FIN.
AGRADECEMOS A TODAS AS FAMILIAS QUE NOS TEÑAN AGASALLADO COS SEUS XOGOS, CANTIGAS, XOGUETES, LERIAS,... MOITAS GRAZAS.
TODOS ESTES XOGOS ADEMAIS DE ACHEGARLLE A CULTURA POPULAR AO NOSO ALUMNADO, SUPUXO UNHA APLICACIÓN DO APRENDIDO SOBRE TEXTOS INSTRUTIVOS, POIS, NAS AULAS ESTÁN A RECOLLER OS XOGOS E XOGUETES EN FICHAS , EMPREGANDO ESTE TIPO DE TEXTO. FAREMOS DESPOIS UN LIBRIÑO CONXUNTO DE CENTRO QUE SE EXPORÁ NA BIBLIOTECA E MESMO SE PODERÁ EMPRESTAR.
UNHA DAS ACHEGAS DESTA SEMANA FOI A QUE TIVO LUGAR NAS AULAS DE 2º COA NAI DE SARA (2ºB)

DEREITOS DA INFANCIA

HOXE, 20 DE NOVEMBRO CELÉBRASE O ANIVERSARIO DA APROBACIÓN DOS DEREITOS DA INFANCIA.
NÓS REPASAMOS OS DEREITOS QUE XA TRABALLAMOS: DEREITO A IR Á ESCOLA, DEREITO A TER UN NOME, DEREITO A UNHA FAMILIA E...
DEREITO Á SAÚDE.
FALAMOS DO QUE SIGNIFICA TER SAÚDE E DE COMO HAI NENAS E NENOS QUE NON TEÑEN OS MEDIOS QUE NÓS TEMOS.
DEBUXAMOS COMO PENSABAMOS QUE SE PODÍA CONSEGUIR QUE TODAS AS NENAS E TODOS OS NENOS TEÑAN SAÚDE. COS NOSOS DEBUXOS IMOS PARTICIPAR NUN CONCURSO DA FUNDACIÓN MENIÑOS.

E DESPOIS DO MAGOSTO... MÁIS XOGOS!

DENTRO DA CAMPAÑA "ENSÍNANOS UN XOGO" NESTA SEMANA TIVEMOS UNHA SESIÓN MÁIS.
A MAMÁ DE ÁLVARO ENSINOUNOS  XOGOS.
FOI ESTUPENDO.
MIRADE QUE BEN O PASAMOS!
GRAZAS MAMÁ!